|
|
|
|
|
|
E òc, represa de las activitats associativas, mas esperam qu'avètz pas atendut la nòstra letra d'actualitats per tornar a l'obrador ! Es que, coma per tot lo monde, tot arriba al meteis moment en setembre e aquí nos calguèt èsser gaireben a la fin del mes per trobar lo manat de minutetas necessàrias a vos informar de çò que se passa aicí, ailà e endacòm mai.
|
|
|
|
|
|
|
📣 Qué de nòu a l'IEO OPM ❔
|
|
|
Lo Diari
|
|
Per son numèro d'auton, Lo Diari se fa literari, mas pas sonque, tòrna a l'Edat Mejana, mas pas sonque... Las trobairises son a l'onor e mai largament las femnas poètas, artistas, defenseiras de las arts... De legir !
|
|
|
|
|
E un autre Diari sortirà en octòbre, s'agirà d'un fòra seria sus la lemosina Marcela Delpastre. Lo podètz comandar tre ara !
|
|
|
|
|
|
|
De notar : aqueste numèro fòra seria serà presentat lo dimars 21 d'octòbre, dins l'encastre del Festenal Occitania a la Cave Poésie a Tolosa.
|
|
|
|
|
|
|
|
Intervencions literàrias 2025, marcatz-vos !
|
Vos rapelam que coma cada annada acompanham, en partenariat amb la DRAC Occitània, los rescontres e animacions literaris que se fan sul territòri regional. Per aquò avèm elaborat un catalògue amb una seleccion d'autors e d'autoras mobilizables, catalògue qu'es estat mandat a las associacions del nòstre malhum.
|
La tòca es que sèm nosautres que prenèm en carga totes los còsts d'aquelas animacions, es operacion blanca per l'assocacion organizatritz !
|
|
Adonc per valorizar l'escrit occitan, cal pas esitar de ne profieitar ! Per ne saber mai, contactatz-nos a contact@ieo-opm.com.
|
|
|
|
|
|
Jornada de recampament pels corses d'occitan
|
|
Fa un moment qu'i pensàvem : avançar cap a una estructuracion melhora dels corses per adultes que nòstras associacions IEO prepausan, una activitat absoludament essenciala a la salvagarda de la lenga. Per aquò dobrissèm doncas lo chantièr lo diluns 20 d'octòbre de vèspre, una primièra sesilha de trabalh per definir d'axes d'investir : estructuration, comunicacion, formacion...
|
|
|
|
Lo rendètz-vos es donat a Tolosa, als professors e professoras del malhum e associatius qu'aquela question interèssa. S'es vòstre cas, botatz-vos en relacion amb vòstre IEO local !
|
|
|
|
|
|
📰 Las actualitats del malhum regional 🌐
|
|
|
Festenal Occitania (IEO 31)
|
|
Ne parlàvem mai naut : coma una ironda d'auton tòrna cada an lo Festenal Occitania ! Totjorn organizat per l'IEO 31, totjorn a Tolosa e dins lo departament, ofrís sus 2 meses una programacion fòrça variada d'eveniments e animacions. I a de qué far e lo programa complèt es de veire en linha !
|
|
|
|
|
|
|
|
IEO Erau (34)
|
|
Fa un parelh de meses que lo monde d'Erau qu'editan aqueste libre nos fan montar la salsa (en francés diriam "fan de teasing"). De fait es pro original : una faula en pròsa, una satira politica a l'occitana, un autor - Marc Rossèl - que s'ensaja a l'escrit en metent de dessenhs pertot... Visca lo Sénher President ! es al mens lo cacalàs de la rintrada literària !
|
|
|
|
|
|
|
|
MARPOC / IEO Gard (30)
|
|
Atencion que la data se sarra lèu : dissabte 27 de setembre a 11 oras se sètz del caire de Nimes se farà un pichon eveniment per festejar lo bicentenari del poèta Antoine Bigot, amb l'installacion d'un totèm del "Rachalan", lectura de tèxtes e gòt de l'amistat.
|
|
|
|
|
|
|
|
|
|
💡 Per far conéisser vòstras accions (eveniments, parucions...) al demai de la ret IEO e al demai del monde, mandatz-nos de causas a danis@ieo-opm.com, e vos apondrem a la letra d'informacions lo còp que ven.
|
|
|
|
|
|
🌍 Aquò se passa en defòra... 🪐
|
|
|
Lengas en imatge e musica
|
|
Lo jornalista Michel Feltin-Palas, que coneissèm per son engatjament a defendre las lengas regionalas, ven de sortir un filme sul subjècte, Une langue en plus, realizat per Cyrille Claus. Es de descobrir sus la plataforma Francetv duscas al 24 d'octòbre, mas serà tanben difusat de biais mai tradicional.
|
|
De mai, aqueste documentari a beneficiat del sosten de Francis Cabrel qu'a creat una cançon, Un gramme de terre en companhiá de 9 cantaires sortits dels Encontres d'Astafòrt. Liza e Primaël i representan l'occitan !
|
|
|
|
|
|
Federacion Calandreta MP
|
|
La Federacion Miègjorn-Pirenèus de las Calandretas an de dificultats financièras per acabar l'annada 2025 e venon de lançar una crida a mobilizacion. Aquela d'aquí pren la forma d'una campanha de finançament participatiu en linha sus Hello Asso.
|
|
An besonh de sosten per tal de contunhar lor prètzfait !
|
|
|
|
|
|
|
|
Mission parlamentària
|
|
Los senators Karine Daniel (PS) e Max Brisson (LR) èran recentament en mission dins los Pirenèus Atlantics per tal d'avalorar la mesa en òbra de la lei dita Molac, notadament sus l'ofèrta de l'ensenhament e las dificultats encontradas (finançaments, fragilitats juridicas, manca de mejans umans, desinvestiment de l'Estat).
|
|
Deurián rendre un rapòrt parlamentari en octòbre, que serà transmetut al govèrn venent.
|
|
|
|
Sorsa : Max Brisson sus X
|
|
|
|
|
|
|
|
