|
|
|
|
|
|
Abans de vos daissar entamenar una cordelada de ponts que vos fariá passar lo viaducte de Milhau per una palanqueta, vos voliam çaquelà mandar qualques informacions, sul darrièr fial d'abrial. Los braves jorns tòrnan, aquò se vei que los eveniments van començar de s'encadenar !
|
|
|
|
|
|
|
📣 Qué de nòu a l'IEO OPM ❔
|
|
|
Lo 5 d'abril passat se tenguèt l'amassada generala de l'associacion, a-z-Albi. I aguèt plan monde !
|
Lo temps associatiu foguèt seguit d'un repais, d'una passejada (solelhosa), d'una conferéncia e d'un bal. Tot aquò mercés al CCOA d'Albi qu'èra a l'organizacion !
|
|
Lo conselh d'administracion es estat renovelat amb pauques cambiaments, los comptes espepissats e votats, los projèctes adoptats... Malgrat un contèxte financièrament malaisit per tot lo monde, l'IEO OPM se pòrta pro plan !
|
|
|
|
|
|
L'avètz aquí en exclusivitat, la cobèrta del nòstre Diari n°85 de mai-junh sus la guèrra (e la patz). Lo tèma es pas gaujós mas lo visual es puslèu suau.
|
Se tròba justament qu'i parlam un pauc de l'Institut d'estudis occitans, coma festejam los 80 ans de la fin de la Segonda Guèrra mondiala (al mes de mai) mas tanben los 80 ans de la creacion de la nòstra associacion...
|
|
Se vos abonatz ara, recebretz aqueste numèro !
|
|
|
|
|
|
|
|
📰 Las actualitats del malhum regional 🌐
|
|
|
Aquí l'Òc (46)
|
|
Dins Òlt, lo festenal Escambis d'Aquí l'Òc tòrna los 2, 3 e 4 de mai.
|
|
De nombrosas activitats seràn prepausadas : presentacion del libre novèl de Felix Daval, concèrts e balètis, teatre amb lo Petit Théâtre de Bannes, danças, etc., a Sent Seren, Sent Joan de la Ginèsta o encara a Banas.
|
|
Retrobatz lo programa complèt :
|
|
|
|
|
|
|
|
IEO Arièja (09) / IEO Garona Nauta (31)
|
|
|
|
Lo dissabte 17 de mai se tendrà una Jornada de recampament dels talhièrs e dels corses d’occitan de l’IEO 09 & de l’IEO 31 a l'Espaci Occitan de Pàmias.
|
|
Dubèrtas a totas e totis, de nombrosas animacions son previstas entre 10h e 16h : jòcs, "cantar la lenga" (question per un campion sus la tematica del cant e de las musicas occitanas), seguit d'un repaish partejat, puèi de talhièrs de cant e de dança, ...
|
|
|
|
|
|
|
|
|
|
Del 19 al 23 de mai, lo Mas'Troquet de Vilamanda (Villeveyrac), novèl cèrcle aderent a l'IEO dins Erau, organiza una setmaneta d'activitats per tal de festejar coma cau l'occitanizacion administrativa dau vilatge.
|
|
En mai de l'inauguracion de placas, s'i faràn de mòstras, de conferéncias, de talhièrs, de danças, d'intervencions amb las escòlas...
|
|
|
|
|
|
|
|
|
💡 Per far conéisser vòstras accions (eveniments, parucions...) al demai de la ret IEO e al demai del monde, mandatz-nos de causas a danis@ieo-opm.com, e vos apondrem a la letra d'informacions lo còp que ven !
|
|
|
|
|
|
🌍 Aquò se passa en defòra... 🪐
|
|
|
Los Rencontres de Salinelles de 2025 se desrotlaràn los 16, 17 e 18 de mai dins lo vilatjòt de Salinèlas, prèp de Someire (Gard).
Aculhit per la comuna dins l'irantjariá e lo pargue del castèl, aquel eveniment es un temps d'escambi e de descobèrta a l'entorn de la literatura en lenga d'Òc, dins una perspectiva dobèrta e viva, que fa lo ligam entre los tèxtes grands de la tradicion literària d'Òc.
|
|
|
|
|
|
|
Lo collectiu RECLAM (REconnaissance et Catégorisation des LAngues Minor(is)ées) que lança ua crida a participacion - o convit au dialògue deus sabers - aus actor·as non academic·as entà que posquin presentar las lors accions de terrenh e escambiar dab cercair@s au collòqui internacionau "Votz entenederas, lengas invizibilizadas" que se debanarà a Bordèu deu 17 au 19 de noveme de 2025.
|
|
|
|
|
|
|
|
|
|
|
En febrièr de 2025 foguèt publicat un manifèst sus l’importància de la paritat e de la mixitat dins lo moviment occitanisme. Sostengut per de personalitats occitanistas del monde cultural e academic, lo tèxte reclama mai de representacion e de visibilitat de las femnas dins las activitats e las estructuras.
|
|
La crida es disponibla en linha :
|
|
|
|
|
|
|
|
|
|
