|
|
|
|
|
|
Darrièra letra de l'an ! Al menut del ressopet : qualques novèlas d'aicí e d'alai, de datas de notar de o dins l'agenda, e de pistas per far de presents, desinteressats... o pas.
|
|
|
|
|
|
|
📣 Qué de nòu a l'IEO OPM ❔
|
|
|
Escotissons, dons e mai
|
Nos venèm de dobrir un compte sus HelloAsso per l'IEO OPM. Aquò es dins un primièr temps per permetre al monde d'aderir simplament a l'associacion (se sètz pas ja aderent·a) e de far un don, mas s'i pòt tanben préner l'abonament al Diari, qué que siá la formula, e benlèu d'autras causas a venir. L'annada que s'acaba es estada malaisida economicament, un sosten es totjorn planvengut.
|
|
|
|
|
|
Lo Diari
|
L'avètz vist nòstre Diari de fin d'annada dedicat al lop ? Coma la bèstia ne demòra qualques unes, e coma la bèstia vos espèra dins l'escur... mas vos farà pas de mal !
|
|
|
|
|
|
|
|
AG de l'IEO OPM
|
Pichon punt vida associativa ara : la nòstra amassada generala se farà lo dissabte 28 de març de 2026.
|
|
Alara òc, avètz léser de vos organizar, mas atal vos podètz ja notar la data.
|
|
E lo lòc atanben : serà a Carcassona. Mai de detalhs a seguir.
|
|
|
|
|
|
📰 Las actualitats del malhum regional 🌐
|
|
|
De lòts per la dictada
|
S'organizatz en çò vòstre la famosa Dictada occitana de la fin de genièr e que cercatz de prèmis per las personas qu'i participan, vos cal saber qu'avèm totjorn d'afars en estòc que pòdon servir a aquò : d'ancians Diaris, de produits derivats e de presentons...
|
|
|
|
|
|
MARPOC
|
L'estiu que ven, la MARPOC faràn la cinquantena de lor Universitat occitana d'estiu (UOE) a Nimes. Per aquò, an lançat una crida a comunicacion.
|
|
Lo tèma, "L'occitanisme, entre transmission, réappropriation et revendication politique", risca fòrt d'interessar demest nòstre lectorat, per consequent ne vos fasèm passar las entresenhas. Avètz duscas al 30 de genièr per i pensar !
|
|
|
|
|
|
Las fèstas del malhum
Se cercatz una celebracion occitana per la fin d'annada, i a de qué far ! Entre cantèras, coralas, ressopets, balètis, qu'aquò siá per Nadal o pel cap d'an, son fòrça las associacions localas qu'organizan quicòm coma, aquí, lo COPC.
|
|
Coma vos podiam pas listar tot dins una sola letra d'informacions, vos convidam a anar far vòstre mercat (de Nadal) sus l'agenda en linha. Ailà i deuriatz trobar vòstre bonur, pròche l'ostal !
|
|
|
|
|
|
|
|
|
💡 Per far conéisser vòstras accions (eveniments, parucions...) al demai de la ret IEO e al demai del monde, mandatz-nos de causas a danis@ieo-opm.com, e vos apondrem a la letra d'informacions lo còp que ven.
|
|
|
|
|
|
🌍 En defòra del malhum (mas pas tròp luènh)... 🪐
|
|
|
EMPLEC
|
L'acadèmia de Tolosa cerca un-a ensenhaire-a contractual-a d'occitan pel collègi Bellevue d'Albi. Son 6 oras setmanièras d'ensenhament, portadas a 16h se la persona es tanben capabla de préner en carga de corses d'istòria-geografia.
|
|
|
|
|
|
|
|
PQVNL
|
Lo collectiu Pour que vivent nos langues, creat del temps d'escasenças electoralas per portar la votz de las estructuras que defendon las lengas ditas regionalas, es oficialament vengut una associacion lei de 1901 al mes d'octòbre passat.
|
|
Aquel cambiament deu permetre una melhora estructuracion e un assolidament de l'accion per tal de pesar mai sus la politica nacionala.
|
|
|
|
|
|
|
|
