|
|
|
|
|
Sèm als primièrs jorns de la bimesada estivadièra (se ditz aquò ?), es lo bon moment per vos far una letra d'informacions abans las eventualas partenças en vacanças.
|
|
Vos avèm causit de causas a l'ombra e de causas al solelh mas qué que ne siá, pensatz de vos parar de la calorassa !
|
|
|
|
|
|
|
📣 Qué de nòu a l'IEO OPM ❔
|
|
|
Intervencions literàrias 2025, es partit !
|
Avèm botat la darrièra man al catalògue 2025 dels rescontres e animacions literaris que fasèm cada annada en partenariat amb la DRAC Occitània.
|
|
Sabètz pas çò qu'es ? Es pro simple, vos o explicam : fasèm una crida als autors e autrises de lenga d'òc qu'an una actualitat literària per qu'integren un catalògue comun. I prepausan de rescontres e d'intervencions a l'entorn de lor trabalh.
|
Aqueste catalògue es puèi difusat a las associacions del malhum IEO en region Occitània qu'i causisson de causas d'integrar a lor programacion d'aicí la fin d'annada. Aquelas animacions literàrias còstan pas res a las associacions, l'IEO OPM pren tot en carga !
|
|
|
|
|
|
La Galariá
|
|
La Galariá del Diari, lo sieu espaci d'expression artistica occitana en linha, serà presenta a un eveniment del Bernat Cauhapè : "Les Cauhapé en Cabane" amb el e sa filha Mélie. Rendètz-vos lo 6 de julhet a La Cabane de Tairac (12). S'i farà un vernissatge d'una mòstra en duo e de performanças artisticas. La mòstra se perseguirà duscas al 9 d'agost.
|
|
|
|
|
|
|
|
Las vacanças
|
|
Es l'estiu, logicament la còla salariada se va préner qualques vacanças. Çaquelà nos sèm adobats, aquò fa que i aurà totjorn qualqu'un al burèu de Tolosa en julhet e en agost se n'avètz de besonh !
|
|
Diluns - 9h-13h / 14h-17h30
|
|
Dimars - 9h-13h / 14h-17h30
|
|
Dimècres - 9h-13h / 14h-17h30
|
|
|
|
|
|
📰 Las actualitats del malhum regional 🌐
|
|
|
MARPOC / IEO Gard (30)
|
Per sa 49 ena edicion, l'Universitat occitana d'estiu (UOE) se causís coma tematica un plan parlant "Fàcia a la(s) dominacion(s)". Lo programa n'es encara un còp plan ric, mesclant soscadissas (conferéncias, taulas redondas), talhièrs o concèrts. De notar, l'omenatge rendut a l'òme de teatre André Neyton, desaparegut en debuta d'annada.
|
Rendètz-vos aquesta fin de setmana !
|
|
|
|
|
|
|
|
La Granja (46)
|
|
L'associacion La Granja es en cerca de personas per rejónher son equipa salariada. Parlam aquí d'un pòste de cargat-da d'administracion e d'un de professor-a de musicas tradicionalas.
|
|
Lo projècte de La Granja es centrat sus la salvagarda, l'estudi e la valorizacion de las tradicions popularas de Carcin e a doncas un brave ligam amb la lenga e la cultura occitanas e a tot çò que se passa dins Òlt.
|
|
Podètz legir las ofèrtas aquí dejós :
|
|
|
|
|
|
|
|
|
|
Estivada (12)
|
|
L'Estivada (nòva) de Sebazac se debanarà doncas del 24 al 26 de julhet a l'entorn del parc de la Dolina.
|
|
Se ne publiquèt recentament lo programa complèt, e es res de dire qu'es complèt justament ! Concèrts, bals, talhièrs, conferéncias, contes, fòrum, projeccions... sens oblidar los bancs dels associatius e dels editors.
|
|
De monde de l'IEO OPM i seràn, e poiretz tanben tornar trobar Lo Diari en çò dels collègas (IEO Lemosin, Erau...). Al plaser de nos i crosar !
|
|
|
|
|
|
|
|
|
💡 Per far conéisser vòstras accions (eveniments, parucions...) al demai de la ret IEO e al demai del monde, mandatz-nos de causas a danis@ieo-opm.com, e vos apondrem a la letra d'informacions lo còp que ven.
|
|
|
|
|
|
🌍 Aquò se passa en defòra... 🪐
|
|
|
IEO federal
|
|
Lo president novèlament elegit de l'Institut d'estudis occitans de nivèl federal, Patrici Pojada, a escrit a totes los presidents e presidentas de seccions regionalas o departamentalas. Dins sa letra, i aclarís sa volontat de téisser de comunicacion estrèita entre totas las seccions, entre autras causas que concernisson la vida del nòstre malhum. Vos convidam a legir aqueste tèxte.
|
|
|
|
|
|
|
|
38na Pujada al Pòrt de Salau
|
|
Ongan, la tradicionala Pujada al Pòrt de Salau, aquel encontre transfrontalièr simbolic entre Occitans e Catalans se farà lo dimenge 3 d'agost. Es coorganizat per l'ASPIC e lo CAOC. Partença a 7 oras de Salau !
|
|
|
|
|
|
|
|
IEO / Creo Provença
|
En 2025, lei Rescòntres occitans en Provença si faràn dau 28 de julhet au 03 d'avost a Sant Lagier (Auteis Aups) en si despartiràn en 2 sejorns distints. Es d'alhors possible de si marcar per un ò lei 2, cadun aguent un programa diferent.
|
|
Aquelei Rescòntres si vòlon dubèrts en totei, pichons e grands, occitanofònes ò non, curiós ò saberuts. Es un fòrum coma n'avèm pauc per l'occitan, un luec d'escambis, de practicas, de reflexion, tantei causas que fan de ben a l'epòca que siam.
|
|
|
|
|
|
|
|
|
|
