La Janada d’Albi, amb Moussu T e lei jovents, Jòi Orquèstrad e los Sonaires d’Òc

De fèsta, de musica, e lo fuòc de la Sant Joan !! De mancar pas : la Janada !


Al programa :


A quatre oras e mièja la fèsta comença ambe la ressèga, una dança collectiva de tipe farandòla dins las carrièras de la vila segon l’anciana costuma del sègle XVIen. I participan los enfants de las escòlas occitanas bilingüas e associativas, ambe lo grope Sonaires d’Òc e una dançaira professionala.
Entre sièis oras e sèt oras, balèti ambe lo grope Jòi Orquèstrad.
Entre sèt oras e nòu oras, auretz lo mercat de nuèit per manjar un pauc e vos repausar, sus la plaça de la Pila, e i aurà una mesa en valor dels produches ambe d’etiquetas en occitan fachas pels enfants de las escòlas occitanas.
E a nòu oras, lo grope Moussu T e lei Jovents nos menarà la musica de la vila de La Ciutat !


E après, coma cada annada, veiretz lo cortègi dels enfants de las escòlas occitanas ambe los flambèus, e darrièr eles los consuls (membres del conselh municipal, parents d’escolans e associatius) en rauba tradicionala del sègle XVen. Lo cortègi anirà de la plaça del Vigan a la plaça de la Catedrala en passent per las carrièras Timbal e Mariès, e serà acompanhat del grope Sonaires d’Òc. Ausirem la paraula dels consuls, e quand eles o ordenaràn, los enfants alucaràn lo fuòc. La serada contunharà ambe Jòi Orquèstrad e lor balèti duscas a mièjanuèit.

IEO Albigés
www.centre-occitan-rochegude.org
05 63 46 21 43

Daissar un comentari

Vòstra adreça de messatjariá serà pas publicada. Los camps obligatòris son indicats amb *

This site uses Akismet to reduce spam. Learn how your comment data is processed.